ទេ បេីអ្នកចាប់អារម្មណ៍ និងស្រលាញ់ជំនាញនេះ អាចដាក់ពាក្យបាន! ប្រសិនបើអ្នកមិនមានបទពិសោធន៍ អ្នកអាចចូលរៀនថ្នាក់ត្រៀម១ឆ្នាំ រួចដាក់ពាក្យចូលថ្នាក់បណ្តាលវិជ្ជាជីវៈ។

សាលាជំនាញសិល្បៈសូនរូប ជ្រើសរើសអនុវត្តកម្មវិធីសិក្សាឯកទេស ដែលរៀបឱ្យសិស្សនូវជំនាញ និងសមត្ថភាពដ៏ជឿនលឿនបំផុត។ ដោយសារយើងមិនអនុវត្តតាមកម្មវិធីសិក្សារបស់ក្រសួងអប់រំកម្ពុជា ក្រសួងមិនទទួលស្គាល់ជាផ្លូវការនូវវិញ្ញាបនបត្ររបស់យើងទេ។ ទោះយ៉ាងណាក៏ដោយ ហ្វារពន្លឺសិល្បៈបានដំណើរការក្រោមការណែនាំរបស់ក្រសួងវប្បធម៌ និងវិចិត្រសិល្បៈ ហើយបានចុះ MOU ជាមួយរដ្ធដែរ។ លើសពីនេះ យេីងមានការសហការយ៉ាងជិតស្និទ្ធជាមួយមន្ទីរ និងអាជ្ញាធរខេត្ត។ អភិបាលខេត្តតែងតែចូលរួមពិធីចែកសញ្ញាបត្រដល់សិស្សានុសិស្សរបស់យើងចំពោះស្នាដៃរបស់និស្សិត។ អ្នកអាចមានទំនុកចិត្តថាវិញ្ញាបនបត្រសាលាជំនាញសិល្បៈសូនរូប មានអនុភាពសម្រាប់ការចាប់ផ្តើមអាជីពរបស់អ្នកក្នុងវិស័យសិល្បៈជំនាញសូនរូប ការរចនាក្រាហ្វិក និងឧស្សាហកម្មគំនូរជីវចល។

អ្នកត្រូវបានលើកទឹកចិត្តឱ្យដាក់ពាក្យមកសិក្សានៅសាលាជំនាញសិល្បៈសូនរូប និងចូលរួមការប្រឡងចូល។ អ្នកអាចមានសិទ្ធិទទួលបានជំនួយហិរញ្ញវត្ថុ ទាំងថ្លៃសិក្សា និងការចាយវាយ ដែលអាចឱ្យអ្នកទទួលបានការគាំទ្រក្នុងការស្នាក់នៅក្នុងខេត្តបាត់ដំបងក្នុងរយៈពេលនៃកម្មវិធីសិក្សា។ សូមទាក់ទងមកយើងខ្ញុំ ហើយយើងអាចផ្តល់ព័ត៌មានបន្ថែមដោយផ្ទាល់។

បាទ/ចាស សិស្សអាចធ្វើការបាន ប្រសិនបើពួកគេប្រឡងចូល ហើយបំពេញវគ្គសិក្សារបស់ពួកគេទៅតាម
ស្តង់ដារដែលបានជ្រេីសរេីស។ ជាទូទៅសាលាបើកពីម៉ោង ៨ ព្រឹក ដល់ ៥ ល្ងាច ដូច្នេះសិស្សមានពេល
នៅពេលល្ងាច និងចុងសប្តាហ៍ ដើម្បីធ្វើការតាមជម្រើសរបស់ពួកគេ។ លើសពីនេះទៀតឱកាសការងារជាច្រេីនអាចស្វែងរកបាននៅក្នុងបរិវេណសាលា និងតាមរយៈសហគ្រាសសង្គមរបស់សាលា ដូចជាហ្វារពន្លឺសិល្បៈ
ស្ទូឌីយោច្នៃប្រឌិត។ សិស្សជំនាញសិល្បៈសូនរូបជាច្រើន មានឱកាសរកប្រាក់ចំណូលពីជំនាញច្នៃប្រឌិតរបស់ពួកគេតាមរយៈ (ឧ. ប្រាក់កំរៃពីការរចនាក្រាហ្វិច ផ្ទាំងគំនូរ ចម្លាក់ ។ល។)

សៀវភៅតាមដាន ត្រូវបានបង្កើតឡើងដើម្បីភ្ជាប់ទំនាក់ទំនងសាលារៀនទៅកាន់គ្រួសារ និងគ្រូបង្រៀន។ អវត្តមាន សមិទ្ធិផល និងព្រឹត្តិការណ៍នានាត្រូវបានតាមដាននៅក្នុងសៀវភៅនេះ។ គ្រួសារ ឬគ្រូបង្រៀនត្រូវបានស្នើសុំឱ្យចុះហត្ថលេខាជាទៀងទាត់ ដើម្បីធានាថាសិស្សទទួលបានការគាំទ្រអតិបរមាក្នុងការសិក្សារបស់ពួកគេ។ នៅដើមឆ្នាំសិក្សា និងចុងឆ្នាំសិក្សា យើងរៀបចំកិច្ចប្រជុំមាតាបិតា ដើម្បីចែករំលែកព័ត៌មានរវាងសាលា សិស្ស និងមាតាបិតា។ ក្នុងអំឡុងពេលកិច្ចប្រជុំទាំងនេះ គ្រួសាររបស់អ្នកអាចលើកឡើងពីកង្វល់ទាំងឡាយដែលអ្នកមាន។

សាលាជំនាញសិល្បៈសូនរូប ជឿជាក់ថាអ្នកសិក្សាដែលមានពិការភាពមានសិទ្ធិសិក្សាជាមួយអ្នកសិក្សាដែលមិនមានពិការភាពឱ្យបានច្រើនតាមដែលអាចធ្វើទៅបាន។ សាលាជំនាញសិល្បៈសូនរូប ខិតខំបំពេញតម្រូវការរបស់អ្នកសិក្សាទាំងអស់តាមករណីនីមួយៗ។ សូមសាកសួរមកកាន់ផ្នែកជំនួយសង្គមរបស់យើងសម្រាប់ព័ត៌មានបន្ថែម។

និស្សិតបច្ចុប្បន្នដែលរស់នៅក្រៅខេត្តបាត់ដំបង ត្រូវបានលើកទឹកចិត្តឱ្យដាក់ពាក្យទៅសាលាជំនាញសិល្បៈសូនរូប។ ប្រសិនបើអ្នកត្រូវបានទទួលយក យើងនឹងគាំទ្រអ្នកក្នុងការស្វែងរកកន្លែងស្នាក់នៅក្នុងស្រុក និងតាំងទីលំនៅក្នុងខេត្តបាត់ដំបង។ សិស្សដែលមានសិទ្ធិទទួលបានជំនួយហិរញ្ញវត្ថុក៏អាចទទួលបានជំនួយផ្នែកហិរញ្ញវត្ថុដើម្បីបង់ថ្លៃស្នាក់នៅ និងថ្លៃចាយវាយផងដែរ។

• ទីក្រុងប្រកបដោយភាពច្នៃប្រឌិតរបស់ប្រទេសកម្ពុជា៖ បាត់ដំបងគឺជាផ្ទះនៃវិចិត្រសាលសិល្បៈនានា ហាងប៊ូទីក និងអ្នកជំនាញដ៏ច្នៃប្រឌិតជាច្រើន។ ស្ថាបត្យកម្មមួយចំនួននៅខេត្តបាត់ដំបងបានទទួលឥទ្ធិពលពីបារាំង ដូច្នេះអ្នកនឹងរីករាយក្នុងការដើរជុំវិញទីក្រុងដ៏ស្រស់ស្អាតរបស់យើង។
• លំហែកាយ និងភាពស្ងប់ស្ងាត់៖ បាត់ដំបងមានកន្លែងចាំបាច់ទាំងអស់នេះរួមមាន ភោជនីយដ្ឋាន និងរមណីយដ្ឋានដ៏ទាក់ទាញ ដោយមិនមានចរាចរណ៍មមាញឹក និងសំឡេងរំខាននៅក្នុងទីក្រុងខ្លាំងឡេីយ។
• សុវត្ថិភាព៖ បាត់ដំបងមានអត្រាឧក្រិដ្ឋកម្មទាប ដែលធ្វើឱ្យវាក្លាយជាទីក្រុងដ៏ល្អសម្រាប់សិស្សានុសិស្សរស់នៅ។
• សាលាសូមស្វាគមន៍៖ នៅពេលអ្នកចូលរួមជាមួយសាលាជំនាញសិល្បៈសូនរូប អ្នកនឹងក្លាយជាផ្នែកនៃគ្រួសារច្នៃប្រឌិតរបស់ហ្វាពន្លឺសិល្បៈ។ នៅហ្វារពន្លឺសិល្បៈ អ្នកអាចបង្កើតមិត្តភក្តិជាមួយនឹងអ្នកដែលមានគំនិតច្នៃប្រឌិតដូចគ្នា សិស្ស និងបុគ្គលិកមកពីមុខវិជ្ជាផ្សេងៗគ្នា (សិល្បៈ តន្ត្រី ល្ខោន។ល។)
• ប្រព័ន្ធអប់រំដ៏មានភាពឆ្នៃប្រឌិត: សាលាជំនាញសិល្បៈសូនរូបគឺជាសាលាឈានមុខគេសម្រាប់គំនូរជីវចល ការរចនាក្រាហ្វិក និងសិស្បៈចក្ចុទស្សន៍។ និស្សិតបញ្ចប់ការសិក្សារបស់យើងមានទីផ្សារការងារទាំងក្នុងប្រទេសកម្ពុជា និងអន្តរជាតិ។ ប្រសិនបើអ្នកចង់ធ្វើការនៅក្នុងឧស្សាហកម្មច្នៃប្រឌិត សាលាជំនាញសិល្បៈសូនរូបនឹងផ្តល់ជូនអ្នកនូវការបណ្តុះបណ្តាលដ៏ទំនេីបបំផុត។